N'Ast entama en collaboración cola Sociedá Cultural Xixonesa un ciclu de charres sobro'l Republicanismu Federal n'Asturies. 

Esti mes de mayu se va cellebrase un ciclu de charres al rodiu del Partíu Democráticu Republicanu Federal, una fuercia política de calter anticaciquil que tuvo unaimportante presencia na sociedá asturiana ente los años 1868 y 1936. Estisector destacó na so dómina pola so reivindicación del exerciciu de la soberaníapa la ciudadanía asturiana, llegando inclusive a plantegar en 1883 una propuesta de Costitución pa un futuru Estáu Asturianu.

El ciclu ye organizáude manera conxunta ente la Sociedá Cultural Xixonesa y l’Asociación Cultural N’Ast, y toles charres se van realizar nel llocal de la primer entidá, que ta asitiáu na cai Belmonte de Miranda, 4, de Xixón.

Toes y toos al manifestamientu pola Oficialidá de la llingua d’Asturies.

Un añu más torna a cellebrase na ciuda d’Uviéu un manifiestamientu polos drechos llingüísticos de les asturines y los asturianos, y dende l’Asociación Cultural N’Ast queremos facer un llamamientu al conxuntu del nuesu pueblu a la participación porque precisamente nestos momentos de desestructuración global ya más importante qu’enxamás la movilización pa llevantar con dignidá la bandera de qu’otra Asturies ye posible y necesaria.

Noreña va cellebrar los díes 4, 5 y 6 de mayu un mercáu flamencu rocieru por decisión d'un Gobiernu municipal (PSOE) llamentablemente famosu poles sos agresiones al conxuntu del patrimoniu cultural y llingüísticu del País.

L’Asociación de Escritores de Asturias (AEA) esanició les categoríes na llingua del País.

 Dende l’Asociación Cultural N’Ast queremos manifestar públicamente la nuesa más fonda disconformidá cola decisión de l’Asociación de Escritores de Asturias (AEA) d'eliminar les categoríes n'asturianu de los premios de la Crítica que concede cada añu a los autores nacíos o espublizaos nel nuesu País.