N'AST

  • Aumentar el tamaño de la letra
  • Tamaño de letra predeterminado
  • Reducir el tamaño de la letra

Nin Sócrates nin asturianu

Los panexíricos de la prensa asturiana tres el fallecimientu de Gustavo Bueno, lleguen al ridículu de comparalu colos filósofos griegos o calificalu d'asturianu, a elli, que tantu odió Asturies.

El filósofu, defensor de la pena muerte, homófobu, visceral militante antiasturianu y españolista fasta l'anormalidá, foi presona especialmente desagradecía col país que tan bien lu acoyó, y nun dexó ocasión nin oportunidá de mostrar el so despreciu a Asturies, al pueblu asturianu y a la so cultura, amparáu y potenciáu por unos medios de comunicación "asturianos" y unos partíos políticos ya istituciones ("Principado", Ayuntamientu d'Uviéu) que compartíen el so españolismu visceral y cumplen un papel determinante nel procesu asimilacionista qu'aplica l'Estáu español n'Asturies.

El fallecimientu de Gustavo Bueno nun sedrá noticia nel mundiu inteleutual, nin sedrá recordáu en denguna universidá nin centru cultural de prestixu. Tendrá que conformase colos panexíricos de los sos comilitones, que lu tildaron de “Sócrates” y “asturianu”, porque daqué lu teníen que llamar. Gustavo Bueno nun yera asturianu, non porque naciere en La Rioja, sinon porque nun quería ser asturianu, porque odiaba Asturies, porque coles lluces que naide nun-y ñega, siempres tuvo nidio qu'Asturies nun ye España, y eso yera más de lo que podía soportar.

Lleer más...
 

Énte l’anulación pol gobiernu español de les Ordenances del asturianu de Noreña

La responsabilidá d’esti nueu actu de represión llingüística nun ye solo del PP-PSOE. Los collaboracionistes son tan responsables comu los represores.

Cuandu yá mos falten pallabres pa responder a la represión sistemática que se vive nel nuesu país, N’AST quier denunciar que les responsabilidaes nun son namás de los qu’exercen la represión direutamente, sinon de toos aquellos que collaboren con ellos, concretamente IU que tuvo nes sos manes el gobiernu del “Principado” y cambió la Oficialidá de la nuesa llingua por puestinos y perres, pero tamién de un Foro que diz ser favoratible a la oficialidá y nun fain un res, o un Podemos que non solo nun fai ná, sinon qu’usa’l tema llingüísticu comu argumentu propagandísticu.

La represión de la nuesa llingua nacional nun finará metantu nun-yos suponga un costu políticu a los represores. Les carencies democrátiques del Estáu español, especialmente nuna Asturies con una istitución, el “Principado”, y un Estatutu autonómicu impuestos dende Madrid, permiten la continuidá d’esta situación represiva, polo que se frai preciso un cambiu nes táutiques emplegaes fasta agora por un movimientu llingüísticu domeñáu en bona midía poles llinies polítiques marcaes dende los mesmos partíos collaboracionistes, esculpiando les sos responsabilidaes y tracamundiando l’oxetivu básicu, la reconocencia de los drechos llingüísticos de los asturianos, por oxetivos secundarios que nun van acullá de discretes meyores na situación d’asimilación colonialista que carez el nuesu país.

Lleer más...
 

N'Ast agradez a Andecha Astur la so coherencia cola llingua asturiana

L'anuncia de qu'Andecha Astur cuntará con papeletes elleutorales n'asturianu nestes prósimes elleiciones supón una nuea espresión de compromisu y enfotu d'Andecha Astur pa cola llingua asturiana.

La validación de les papeletes n'asturianu pa estes elleiciones, perafita a Andecha Astur comu la única opción asturiana nestes elleiciones, non solo porque'l restu del asturianismu nun toviere capacidá pa presentase, sinon porque ye la única que cuntará con papeletes na nuesa llingua nacional.

Lleer más...
 

N’Ast énte’l Día de les Lletres Asturianes: oficialidá yá!!

Una vegada más, nesta ocasión énte la cellebración del XXXVI Día de les Lletres Asturianes, l’Asociación Cultural N’Ast vuelve a pidir la oficialidá pa la llingua asturiana.

Entendemos que ye la meyor manera de garantizar los drechos llingüísticos de los asturfalantes, reconocíos dende cuantayá por organismos internacionales como la UNESCO, y que constituye’l primer pasu pa una dignificación, normalización social y caltenimientu reales de la principal seña d’identidá del Pueblu Asturianu.

Lleer más...
 

N’Ast pide a Podemos respetu a los drechos llingüísticos de los y les asturianes

Queremos recorda-y a esta formación política que la oficialidá del asturianu ye un drechu democráticu y qu’ensin ella nun va haber cambiu que valga

Dende l’Asociación Cultural N’Ast queremos facer públicu’l nuesu esmolecimientu poles declaraciones que, selmana tres selmana, vienen faciendo los cabezaleros de Podemos al rodiu la llingua asturiana. Y ye que determinaes postures públiques déxenmos plasmaos, más cuando vienen d’una formación política que, supuestamente, lleva naguando dende’l so aniciu por un cambiu sociopolíticu basáu, ente otres coses, nel fondu respetu a los drechos fundamentales de los y les ciudadanes, ente los que s’alcuentren, necesariamente, los sos drechos llingüísticos.

Lleer más...
 


JPAGE_CURRENT_OF_TOTAL